Kuch Bachkane Sawal...

Kabhi bachpan mein kisi hum-umar ko bheekh maangte dekha tha. Dil mein tab bas ek hi baat uthi thi – “Uski jagah main hota to kya hota? Uski jagah main kyon nahi? Agar main apne ghar paida nahi hua hota to shayad main hi inki jagah ho sakta tha. Paida to sab ek se masoom hi hote hain. Phir kisi ke haath mein chocolate to kisi ke haath mein katora kyon hai? ” Yeh sawal chahe jitne hi bachkane ho, inka ‘satisfactory’jawab shayad hi koi de payega. Shayad ‘philosophers’ bhi nahi. Kya pata woh in sawalon ka jawab dhondhte dhoondte hi ‘philosopher’ bane ho.

In sawalon ka jawab to tab mila nahi. Kabhi kisi se poocha bhi nahi. Bade hue aur thodi duniya dekhi to ise duniya ka dastoor samajhne lage. Logon ne bhi kuch aisa hi keh kar tal diya. Lekin man shant naa hua. Bachpan ke un sawalon ne mere ‘innocent mind’ pe ek ‘permanent’ chaap chodi thi. Shayad inhi sawalon ka jawab dhoondte dhoondte har bachcha duniya ko badalne aur acha banane ka sapna dekhta hai. Bachpan mein to har cheez khoobsoorat hi hoti hai. Duniya bhi utni hi khoobsoorat kyon naa ho? Aakhir wo to hum sab ka ghar hai. Har masoom ke man mein ek naa ek baar yeh khayal to aata hi hoga. Bade hone pe kuch log is naadan sapne se bahar nikal jaate hain. Soocha jaye to woh apni ‘sensitivity’ ko dil mein kahin door chupa dete hain.

Kuch log in sapnon mein hi kahin kaid ho ke reh jaate hai.

Sapne dekhna kab bura hota hai. Yeh hamare sapne hi to hain jo humen is duniya se door apni ek 'perfect world' mein le jaa, pal bhar ki hi sahi, anokhi khushi dete hain. Lekin jab sapna duniya ke dastoor ko badalne ka ho to sirf hamari khushi nahi judi us sapne ke saath. Logon ne pehle bhi koshish to ki hogi hi. Akhir hum duniya ke pehle 'dreamer' to hain nahi. Lekin duniya chodo, apne aap ko hi badal paana aasan kaam nahi. Sach to yahi hai ki duniya ko badalne ka pehla kadam apne aap ko us roop mein dhaalna hai jo is 'seemingly unassailable' kaam ko karne ke kaabil ho, jo us-se judi izzat ko ‘deserve’ karta ho.

Dil mein jhaank ke dekhun to maine pehla kadam abhi rakha bhi nahi. Kaise rakhna hai pata bhi nahi.

5 comments:

LilOne said...

*sniff* *sniff* *sob* *sob*
senti!!!!!!
but yes, agar tumhari writing ke chahne waale hum hai, toh this is ur peal.
amazing...simply amazing!
it gave me goosebumps and wet eyes....
and the way u ve interspersed english in quotes with the hindi, it works sooooooooooooooo well!!! :)

poemsnpuja said...

likhte aise hi hain...ehsaas ka translation nahin hota,unka matlab badal jaata hai.jan wo likho ho mehsoos karte ho to bhasha kabhi rasta nahin rokti...sath deti hai.
khud to vyakt karne ka tarika jitna saccha hai...ehsaason mein bhi utni hi sacchayi hai...i agree tumhare jaise log masoomiyat ko jinda rakhte hain...kudos for the great work...cheers!!!

Alistair D'souza said...

yehi thopehla kadam hai... aisas ki ab tak app kuch nahi kar rahe the.... aisas ki app ko kuch karna chahiye...

neha sent me this link :-)

PAL said...

@lilone.. well the issue is worth more than just a wet eye.. :D
@puja... aapka encouragement acha laga... jaankar acha laga ki main bhi hindi likh sakta hoon
@alice (yeah neha told me the pet name :D) i will take this as the prerequisite and rahter focus on taking the first or the second (the chronography hardly matters) step... lets see...

LilOne said...

@pal :D
yes it is more than a "wet eye" issue. but honestly, i dont need to put in it writing. i tell u that almost 10 times a week :Dand wat i want to say isnt really much different from what alistair has said.