Dhokha...

Jaane kitne dinon se kuch likha nahi . Na tumhare liye, na khud hi ke liye...
Jaane kitni baar mann mein kuch aaya, par jehan mein hi rehne diya. Na tumse zikr kiya, na hi kagaz pe baya'n kiya.
'Poetic' nahi sound kar raha hoga shayad. Ya laga hoga aisa hi kuch to likha tha kabhi tumhare liye..
Lagta hai jaise mere andar ka 'poet' kho gaya ho kahin. Kabhi tha bhi ke nahi? Udhar to nahi maanga tha kisi ajnabi se?
Aaj jab likhne baitha hoon to phir shabd dhokha de gaye hain. Ya shayad 'challenge' kar rahe hain mujhe kuch naya kehne ko.
Yahin kahin chupe baithe honge aas lagaye. Kuch 'ideas' aur kuch 'words'. Ek doosre ki talash mein...

No comments: